त्यो मैलो गाउँलेहरुको पृय रंग हो
आफ्नै माटोले रंगाएको ।
पसिनाका लेग्रालाई- छि ! नभन
त्यो मेहनतको सजीव चित्र हो
ग्रामीण मसीले कोरिएको ।
तिमी पो कलरफुल शहरमा छौ !
चिटिक्क लुगा लगाएर,
टिलिक्क टल्काउँछौ रंगहरु ।
हाम्रा त रंगहरु भनेकै
हरिया फाँटहरु हुन्
पहेंला तोरिबारीहरु हुन्
फूलबुट्टे पाखाहरु हुन् ।
यहाँका आँखाहरु निरीह रंगका हुन्छन्
यहाँका भाकाहरु विरह रंगका हुन्छन्
अक्सर यहाँको जीन्दगी श्यामश्वेत रंगको हुन्छ
श्यामश्वेत पनि त रंग नै हो
आउ, हेलाहोचो नगरी
फैलाऔं खुशीका रंगहरु
स्वाभिमानी हाँसो हासेर
जसले हामिलाई जीवन्त सजाएको छ ।
होलिको शुभकामना !
©पुष्प खड्का-2021
No comments:
Post a Comment