एकल डेटिङ

प्रेम उत्सव रे अचेल !

मैले पनि भेटें अहिले

एउटा अपरिचित आफन्त प्रेम

जो मसँगै रहेछ- 

आफैंले देख्न नसकेको आफ्नोपन 

रुमल्लिँदा रुमल्लिँदै जिन्दगीबाट

म आफैंदेखी भेटिइन छोडेको

जो मसँगै रहेछ- 

आफैंले चिन्न नसकेको आफ्नो मन

आज 

उही अपरिचित आफन्तलाई 

राखिहेर्छु प्रेम प्रस्ताव 

जान्छु एकल प्रेमिल डेटिङ

आफैंदेखी बिरक्तिएको आफ्नै मनसँग

स्वयम् देखि निरपेक्ष बाँचिरहेको

भन्नूमात्रैको आफ्नै मनसँग 

र, 

गुनासो गर्छु आफ्नै मनलाई 

ए मन ! तैंले तेरै मालिकलाई भन्दा बढी 

कसलाई राखिस आफुभित्र ?

©पुष्प खड्का-2020